[តេអេរ៉ង់] — អនុមេបញ្ជាការនៃទីបញ្ជាការដ្ឋានកណ្តាល Khatam al-Anbiya របស់ប្រទេសអ៊ីរ៉ង់ បានចេញសេចក្តីថ្លែងការណ៍ព្រមានយ៉ាងធ្ងន់ធ្ងរទៅកាន់សត្រូវ ដោយសង្កត់ធ្ងន់ថា សាធារណរដ្ឋអ៊ីស្លាមអ៊ីរ៉ង់ គឺជាអ្នកមានអំណាចសម្រេចក្នុងការបញ្ឈប់ជម្លោះយោធា។
នៅក្នុងសុន្ទរកថាដែលត្រូវបានផ្សព្វផ្សាយនាពេលថ្មីៗនេះ លោកឧត្តមសេនីយ៍ Amir Haidari បានលើកឡើងនូវចំណុចសំខាន់ៗចំនួន ៤ ដែលបង្ហាញពីជំហររឹងមាំរបស់ទីក្រុងតេអេរ៉ង់៖
-
ការកំណត់ជោគវាសនាសង្គ្រាម៖ លោកបានបញ្ជាក់ថា សង្គ្រាមនឹងមិនបញ្ចប់ឡើយ ដរាបណាឆន្ទៈរបស់ប្រជាជាតិអ៊ីរ៉ង់ មិនទាន់ត្រូវបានសម្រេច និងបង្ខំឱ្យសហរដ្ឋអាមេរិក រួមទាំងអ៊ីស្រាអែលព្រមទទួលយកនោះ។
-
ការត្រៀមលក្ខណៈយូរអង្វែង៖ មេបញ្ជាការរូបនេះបានអះអាងថា នៅពេលនេះ អ៊ីរ៉ង់មិនទាន់មានផែនការ ឬការគិតគូរអំពីការបញ្ចប់សង្គ្រាមនោះទេ ពោលគឺត្រៀមខ្លួនជានិច្ចសម្រាប់ការប្រឈមមុខដាក់គ្នា។
-
អធិបតេយ្យភាពដែនទឹក៖ អ៊ីរ៉ង់នៅតែបន្តពង្រឹង និងអនុវត្តអំណាចគ្រប់គ្រងដែនសមុទ្ររបស់ខ្លួនយ៉ាងតឹងរ៉ឹង នៅក្នុងតំបន់ច្រកសមុទ្រ Hormuz ដែលជាចំណុចយុទ្ធសាស្ត្រសេដ្ឋកិច្ចពិភពលោក។
-
ជំហរលើច្រកសមុទ្រ Hormuz៖ ទោះបីជាមានការបង្ហាញសាច់ដុំយោធាក៏ដោយ លោក Amir Haidari បានបញ្ជាក់ជាថ្មីថា អ៊ីរ៉ង់មិនមានបំណង ឬជំនឿក្នុងការបិទច្រកសមុទ្រ Hormuz នោះឡើយ ដរាបណាសន្តិសុខរបស់ខ្លួនមិនត្រូវបានរំលោភបំពាន។
សេចក្តីថ្លែងការណ៍នេះ កើតឡើងក្នុងបរិបទដែលស្ថានភាពមជ្ឈិមបូព៌ាកំពុងមានកម្ដៅខ្លាំង ដែលធ្វើឱ្យសហគមន៍អន្តរជាតិមានការព្រួយបារម្ភជាខ្លាំងអំពីស្ថិរភាពក្នុងតំបន់ និងសន្តិសុខថាមពលសកល។
