ប្រតិបត្តិការបង្កើនប្រសិទ្ធភាព៖ នគរបាលខេត្តព្រៃវែង ជំរុញប្រជាពលរដ្ឋឱ្យអនុវត្ត “កាតព្វកិច្ចច្បាប់” នៃការបន្តសុពលភាពអត្តសញ្ញាណប័ណ្ណ ដោយឥតគិតថ្លៃ

**ខេត្តព្រៃវែង៖ ថ្ងៃទី២៨ ខែមករា ឆ្នាំ២០២៦** (KPDNEWS) – ក្នុងគោលដៅពង្រឹងយុទ្ធសាស្ត្រកំណែទម្រង់រដ្ឋបាលសាធារណៈ និងធានានូវសិទ្ធិស្របច្បាប់ជូនប្រជាពលរដ្ឋ មន្ត្រីការិយាល័យជំនាញអត្តសញ្ញាណបណ្ណសញ្ជាតិខ្មែរ នៃស្នងការដ្ឋាននគរបាលខេត្តព្រៃវែង បានដាក់ចេញនូវសកម្មភាពយ៉ាងសស្រាក់សស្រាំក្នុងការផ្តល់សេវាសាធារណៈជូនពលរដ្ឋនៅមូលដ្ឋាន។ សកម្មភាពនេះធ្វើឡើងដោយអនុវត្តយ៉ាងខ្ជាប់ខ្ជួនតាមអនុសាសន៍ដឹកនាំដ៏ខ្ពង់ខ្ពស់ពី **ឯកឧត្តម នាយឧត្តមសេនីយ៍ ស ថេត** អគ្គស្នងការនគរបាលជាតិ និងការចង្អុលណែនាំជាប្រចាំពី **លោកឧត្តមសេនីយ៍ទោ ឈឿន ប៊ុនឆន** ស្នងការនគរបាលខេត្តព្រៃវែង។