**ភាពចលាចលលើទីផ្សារលក់ម៉ូតូ៖ និស្សិតម្នាក់ត្រូវបានបុគ្គលិកបង់រំលោះឃាត់ខ្លួន និងរឹបអូសម៉ូតូ ទោះបីជាទិញជិត ៣ ឆ្នាំហើយក៏ដោយ**

**(ភ្នំពេញ)៖** ករណី​បោក​ប្រាស់​ដែល​ត្រូវ​បាន​គេ​អះអាង​ថា​ទាក់ទង​នឹង​ការ​ទិញ​លក់​យានយន្ត​មាន​បញ្ហា បាន​ផ្ទុះ​ឡើង​ជា​ថ្មី​ម្តង​ទៀត បន្ទាប់​ពី​មាន​ការ​បង្ហោះ​មួយ​នៅ​លើ​បណ្តាញ​សង្គម​ហ្វេសប៊ុក​បាន​ទាក់ទាញ​ចំណាប់​អារម្មណ៍​សាធារណជន។ យោងតាមគណនីហ្វេសប៊ុកឈ្មោះ “វិជ័យសង្រ្គាម” ដែលបានបង្ហោះនៅថ្ងៃទី ០៣ ខែ កុម្ភៈ ឆ្នាំ ២០២៦ នេះ និស្សិតម្នាក់មកពីខេត្តត្បូងឃ្មុំ ត្រូវបានបុគ្គលិកក្រុមហ៊ុនបង់រំលោះឃាត់ខ្លួន និងបង្ខំឱ្យចរចា​សងបំណុល ទៅលើម៉ូតូដែលខ្លួនបានទិញ និងជិះជិត ៣ ឆ្នាំមកហើយ។ ករណីនេះបានលើកឡើងនូវក្តីបារម្ភយ៉ាងខ្លាំងអំពីសុវត្ថិភាពផ្លូវច្បាប់នៃការទិញលក់យានយន្តឯកជន។