ឧត្តមសេនីយ៍ទោ ឈឿន ប៊ុនឆន ដឹកនាំសកម្មភាពកសាងអគារស្នាក់នៅ និងធ្វើការរបស់វរៈការពារព្រំដែនគោកលេខ ៦០៧ ក្នុងស្រុកព្រះស្តេច

[ខេត្តព្រៃវែង, ថ្ងៃទី០១ ខែសីហា ឆ្នាំ២០២៦] – លោក ឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង បានអញ្ជើញដឹកនាំ និងការកសាងអគារស្នាក់នៅ និងអគារធ្វើការថ្មី សម្រាប់វរៈសេនាតូចការពារព្រំដែនគោកលេខ ៦០៧ ដែលស្ថិតក្នុងភូមិសាស្ត្រឃុំល្វា ស្រុកព្រះស្តេច ខេត្តព្រៃវែង។

សកម្មភាពចុះពង្រឹងហេដ្ឋារចនាសម្ព័ន្ធនេះ ធ្វើឡើងក្នុងគោលបំណងលើកកម្ពស់សុខុមាលភាព និងជីវភាពរស់នៅរបស់កងកម្លាំងនគរបាលជាតិ ដែលកំពុងឈរជើងបំពេញភារកិច្ចការពារបូរណភាពទឹកដីនៅតាមខ្សែបន្ទាត់ព្រំដែន។ តាមប្រភពពីមន្ត្រីបច្ចេកទេសសាងសង់ អគារថ្មីនេះនឹងត្រូវរៀបចំឡើងស្របតាមស្តង់ដារបច្ចេកទេស ដើម្បីធានាបាននូវភាពរឹងមាំ និងផ្ដល់ភាពងាយស្រួលដល់ការងាររដ្ឋបាល ក៏ដូចជាការសម្រាករបស់មន្ត្រី។

លោក ឧត្តមសេនីយ៍ទោ ឈឿន ប៊ុនឆន តែងតែយកចិត្តទុកដាក់ខ្ពស់លើការកែលម្អទីតាំងការងារតាមបណ្ដាមូលដ្ឋាន ជាពិសេសតំបន់ដាច់ស្រយាល និងតាមព្រំដែន។ លោកបានបញ្ជាក់ថា ការកសាងសមិទ្ធផលរូបវន្តនេះ គឺជាផ្នែកមួយនៃការអនុវត្តតាមផែនការយុទ្ធសាស្ត្ររបស់អគ្គស្នងការដ្ឋាននគរបាលជាតិ ក្នុងគោលដៅពង្រឹងប្រសិទ្ធភាពការងារសន្តិសុខ និងសណ្ដាប់ធ្នាប់សាធារណៈឱ្យកាន់តែប្រសើរឡើង។

ទន្ទឹមនឹងការពិនិត្យការដ្ឋានសាងសង់ ឧត្តមស្នងការក៏បានសំណេះសំណាល និងផ្ដាំផ្ញើដល់កងកម្លាំងនគរបាលវរៈការពារព្រំដែនគោកលេខ ៦០៧ ឱ្យបន្តខិតខំយកចិត្តទុកដាក់ខ្ពស់លើការងារយាមល្បាត និងសហការល្អជាមួយអាជ្ញាធរដែនដី ក៏ដូចជាប្រជាពលរដ្ឋ ដើម្បីបង្កើនភាពជឿជាក់ និងថែរក្សាសុខសន្តិភាពនៅតាមតំបន់ព្រំដែន។

គួរបញ្ជាក់ផងដែរថា ការអភិវឌ្ឍហេដ្ឋារចនាសម្ព័ន្ធនៅក្នុងអង្គភាពនគរបាលទូទាំងខេត្តព្រៃវែង ក្រោមការដឹកនាំរបស់ ឧត្តមសេនីយ៍ទោ ឈឿន ប៊ុនឆន នាពេលថ្មីៗនេះ ត្រូវបានគេសង្កេតឃើញថាមានភាពសកម្ម និងទទួលបានការគាំទ្រយ៉ាងខ្លាំងពីសំណាក់មន្ត្រីក្រោមឱវាទ ក៏ដូចជាមហាជនទូទៅផងដែរ៕

Share:

Author: sopheakdpdnews

Leave a Reply

Your email address will not be published. Required fields are marked *