(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យធនាគារជាតិនៃកម្ពុជា ចេញផ្សាយ និងដាក់ឱ្យចរាចរនូវក្រដាសប្រាក់គំរូថ្មីចំនួន ២ ប្រភេទ គឺប្រភេទ ៥០,០០០ រៀល និង ១០០,០០០ រៀល។ ការចេញផ្សាយនេះ ធ្វើឡើងក្នុងគោលបំណងអបអរសាទរខួបលើកទី២០ នៃការគ្រងព្រះបរមរាជសម្បត្តិរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
យោងតាមអនុក្រឹត្យដែលបានចុះហត្ថលេខាដោយប្រមុខរាជរដ្ឋាភិបាល ក្រដាសប្រាក់គំរូថ្មីទាំងពីរប្រភេទនេះ នឹងត្រូវដាក់ឱ្យចរាចរទន្ទឹមគ្នាជាមួយនឹងក្រដាសប្រាក់គំរូចាស់ ដែលកំពុងប្រើប្រាស់នាពេលបច្ចុប្បន្ន។ សេចក្តីសម្រេចនេះបានបញ្ជាក់យ៉ាងច្បាស់ថា ក្រដាសប្រាក់គំរូចាស់នៅតែមានតម្លៃស្របច្បាប់ និងអាចប្រើប្រាស់បានជាធម្មតាក្នុងទីផ្សារ ដោយគ្មានការបារម្ភពីការបាត់បង់តម្លៃនោះឡើយ។
ការដាក់ឱ្យចរាចរក្រដាសប្រាក់ថ្មីនេះ មិនត្រឹមតែជាការអបអរសាទរព្រឹត្តិការណ៍ជាប្រវត្តិសាស្ត្រប៉ុណ្ណោះទេ ប៉ុន្តែថែមទាំងបង្ហាញពីស្ថិរភាព និងការរីកចម្រើននៃរូបិយវត្ថុជាតិ។ ធនាគារជាតិនៃកម្ពុជា នឹងបន្តធ្វើការផ្សព្វផ្សាយអំពីលក្ខណៈបច្ចេកទេស និងសញ្ញាសម្គាល់ការពារការក្លែងបន្លំនៃក្រដាសប្រាក់ថ្មីនេះ ដើម្បីឱ្យសាធារណជនងាយស្រួលក្នុងការសម្គាល់ និងប្រើប្រាស់ប្រកបដោយទំនុកចិត្ត។




















![[សោកនាដកម្មលិចទូកស្មាច់នៅក្រុងអរិយក្សត្រ៖ រកឃើញសព ២នាក់ ខណៈ ៤នាក់ទៀតកំពុងបាត់ខ្លួន និង ៦នាក់ត្រូវបានសង្គ្រោះ]](https://www.kamchaymearpostdaily.com.kh/wp-content/uploads/2026/03/657106720_122170075268876683_8311932070566365382_n-480x240.jpg)